Secretary, Secretariat Administration Department chuan hetiang hian thuchhuah a siam :-
Tunlaia hrileng mek COVID-19 laka kan him tlan zawk theih nan Mizoram Secretariat hnuaia thawktu leh dawrtu (Visitors) te tan a hnuaia mi ang hian ruahmanna siam a ni a. Hei hi zawm vek turin kan inngenin kan inhriattir a ni :-
1. Mizoram Secretariat Building No.1 Gate No.1 (main enrtrance) chauh hawn a ni ang. Building No.2 luhna Gate No.5 (main entrance) chauh hawn a ni bawk ang.
2. Gate-a lut tur reng reng a tul dana zirin an hriselna dinhmun enfiah a ni ang.
3. Office dawr tur / Officers hmu tur te pawh-in appointments an nei lawk tur a ni. Appointment nei lawk te chauh Gates No.1 leh Gate No.5 ah luh tir an ni rih ang.
4. Mizoram Secretariat Building luhna Gates Nos.1,2,3,5 leh Store luhna bulhnai ah kutsilna (wash basin) leh detergents te dah a ni a. Building No.1 leh Building No.2-a lut tur ten luh hma-in kut fai tak leh uluk taka sil theuh tur a ni a, Building chhuahsan ten kut silna hi hman theuh tur a ni bawk.
5. Mizoram Secretariat Building chhunga Common Toilet tinah kutsilna (handwash) leh sahbawn (soap) dah vek a ni a, hei hi a hmangtu ten tangkai taka hmang tur leh la sawn lo turin kan inngen a ni.
6. Bawrhsawmna leh hrisellohna nei chungin office tlawh loh hram tur a ni.
7. A theih hram chuan Office dawrtu ten Gate-a luh hma-in mask vuah theuh tur a ni.
8. Kan him tlana tur leh kan fimkhurna tura Sorkar thupek te tha taka zawm turin Mizoram Secretariat-a thawktu Officers, Staff leh Office dawrtu mipuite kan inngen a. Tul lova buai phili lo leh chiai lo turin kan inngen bawk a ni.
