Nimin khan SIRD&PR Conference Hall, Durtlang Leitan, Aizawl-ah ni khat awh training - ‘One Day Orientation Programme on Sansaad Adarsh Gram Yojana (SAGY)’ neih a ni a. He one-day training ah hian District Level Committee, Aizawl District member mi 24 an tel.

Training hi Dr. Lalhruaitluangi Sailo, Course Director, SIRD&PR in a kaihruaia. Pu V. Lalengmawia, Charge Officer, Tlungvel Village for SAGY/Project Director, DRDA Aizawl District chu khuallian niin training-na a kal te chu fuihna thu a sawi. Pi Maria C.T. Zuali, Director, SIRD&PR pawhin training koh chhan hrilhfiahin SAGY awmzia leh thiltum te a sawi a. ‘Dream Village’ atana Sawrkar laipuiin a thlan Tlungvel Village-a hma an lak dan tur a sawifiah nghal a ni.

Training hi Dr. H. Laldinmawia, Asst. Prof, ICFAI in kaihruai zuiin ani hian SAGY scheme chanchin kimchang a zirtir a, sawihona neih zui nghal a ni bawk.