Vawiin chawhma dar 11:00 khan D.C.s Conference Hall, Saiha-ah Saiha khawpui chhunga Chhiarpui (Census) a hming ziaklut ve duhlo te kohkhawm a meeting neihpui an ni.
He meeting hi Pu V.Lalengmawia, SDO(S) Saiha District chuan a kaihruaia, Census pawimawhna leh he census a tel hlauhawm lohzia sawiin census hi sakawlh nena inzawm tlat anga ngaih hi ngaihdan diklo hulhual ani, a ti a, he hunah hian heng mi chi hrang hrang kohkhawmte hi National Population Register (NPR) leh House Listing inan loh dan hrang hrang te hrilhfiah an ni a, Chhiarpuia an tel duh leh duhloh te chiang taka zawhfiah an ni. An duhthlanna chiang taka an sawi hun atan ni 28.6.2010 thleng hun pek an nih thu SDO(S) chuan a sawi bawk. Pu H.Lalhmingthanga, Election Officer, Saiha District pawhin thu sawiin he Census Operation India ram in kum 10 dana a lo neih thin hi khua leh tuite chuan kan zawm ngei a ngai ani, tiin sakhuana leh sakawlh nen pawh inzawmna a neihloh thu sawiin sawrkar chuan a tihtur chu a ti ngei dawn ani, a ti a. India rama cheng nisi khua leh tui pawh nih duhloh tlat mai chu an hma-ah buaina an la tawh theih tur thu a sawi bawk.
Census Enumerators leh Supervisors te pawh he meeting ah hian telin Census an neihna-a harsatna an tawh hrang hrang te pawh huamzau taka sawiho a ni. He meeting ah hian Saiha khawpui chhunga Census a tel ve duhlo mi 49 zingah mi 30 an kal khawm a ni.
Census Enumerators leh Supervisors te pawh he meeting ah hian telin Census an neihna-a harsatna an tawh hrang hrang te pawh huamzau taka sawiho a ni. He meeting ah hian Saiha khawpui chhunga Census a tel ve duhlo mi 49 zingah mi 30 an kal khawm a ni.
