Ram puma hman angin vawiin khan Saiha ah pawh DC Conference Hall-ah Energy Conservation Day hman a ni a, kawlphetha renchem a pawimawhzia inzirtir nan hun hman a ni.
Addl. D.C. Pu Thangchem Zathang kaihhruai inkhawmah hian Khuallian Pu Kunal, IAS, Saiha DC chuan kawlphetha chu hmasawnna kawng tinrenga mamawh a nih avangin leh indaihlohna rama cheng kan nih avangin tuna kawlphetha kan neih chhun chhun te hi renchem tak leh tangkai thei ang bera kan hman thiam a pawimawh tak zet a ni, a ti. He Ni kan hman hian kan dinhmun leh kan khawsak phung inenfiah nan hmang tlang ila, renchem leh daihzai zawka kawlphetha kan neih ang angte hmang thiam turin mitin inbuatsaih ila, hmasawn nan hman tangkai i tum vek ang u tiin kalkhawmte chu a sawm a ni.
He Ni hmanna ah hian Pu H.Lalfakzuala, Principal, DIET/DRC Saiha hnen atangin Global Warming and its effects (Khawvel lo lum zel leh nghawngte) tih leh PU C.Thabe, JE, Power & Electricity Department atangin Energy renchem thupui te ngaihthlak a ni a, kawlphetha renchem-in kan nakin khawvel tha zawk a siam theih dan te zirhovin mitinin kan tih theih tawk theuhvah hemi kawnga tan la tlang theuh turin infuih a ni.
Saiha SP thar Pi Suman Goyal, IPS pawhin thu sawiin kawlphetha kan renchem thiam poh leh hmasawnna hna a chak lehzual ang a, a Ni hman chu duhtawk mai lovin nitin nuna kan nunchhuahpui zel a tul tak zet a ni, a ti bawk.
Programme ah hian school zirlaite atangin extempore speech ngaihthlak a ni a, zawhna leh chhanna hun te hman a ni bawk.
Energy Conservation Day pual hian mipui inzirtir nana ziak tha te hnenah hetiang hian lawmman hlan a ni bawk:
Pakhatna : Maraland
Pahnihna : Saiha Post
Pathumna : Saikhawpui
He Ni hmanna ah hian Saiha-a Department hotute, chanchinthar thehdarhtute leh tlawmngai pawl hruaitute an kal a ni.
He Ni hmanna ah hian Pu H.Lalfakzuala, Principal, DIET/DRC Saiha hnen atangin Global Warming and its effects (Khawvel lo lum zel leh nghawngte) tih leh PU C.Thabe, JE, Power & Electricity Department atangin Energy renchem thupui te ngaihthlak a ni a, kawlphetha renchem-in kan nakin khawvel tha zawk a siam theih dan te zirhovin mitinin kan tih theih tawk theuhvah hemi kawnga tan la tlang theuh turin infuih a ni.
Saiha SP thar Pi Suman Goyal, IPS pawhin thu sawiin kawlphetha kan renchem thiam poh leh hmasawnna hna a chak lehzual ang a, a Ni hman chu duhtawk mai lovin nitin nuna kan nunchhuahpui zel a tul tak zet a ni, a ti bawk.
Programme ah hian school zirlaite atangin extempore speech ngaihthlak a ni a, zawhna leh chhanna hun te hman a ni bawk.
Energy Conservation Day pual hian mipui inzirtir nana ziak tha te hnenah hetiang hian lawmman hlan a ni bawk:
Pakhatna : Maraland
Pahnihna : Saiha Post
Pathumna : Saikhawpui
He Ni hmanna ah hian Saiha-a Department hotute, chanchinthar thehdarhtute leh tlawmngai pawl hruaitute an kal a ni.
