Vawiin chawhma dar 11 :00 khan District Playground, Saiha-ah Saiha R.D. Block huam chhunga Village Council hrang hrang te ni li chhung awh tur intihsiakna "Panchayat Yuva Kridha Aur Khel Abhiyan (PYKKA)" Sport Tournament chu hawn a ni.

He Sport Tournament hawnna inkhawm hi Pu C.Hrangthuama, Principal, Government Higher Secondary School, Saiha chuan a kaihruaia, Pu K.Beisa, Executive Member (RD)., M.A.D.C. chuan Khuallian niin he Tournament hi a hawng. Hawnna thu sawiin Khuallian chuan infiammi kalkhawmte hnenah infiamna hi hriselna leh taksa sawizawina chauh ni lovin, tunlai khawvelah chuan eizawnna tlak leh tling ani tawh ani, ati a. Infiammite chu zuk leh hmuam leh ruihtheih thil chi hrang hrang laka inthiarfihlim a, an thiamna leh theihna te hmang tangkai tur leh Mizoram mai nilo India ram tihmingtha theitu an nihna hria-a midangte tana entawntlak nunze mawitak nunpui theuh turin a chah hlawm ani. He PYKKA Tournament ah hian Saiha District chhunga Village Council hrang hrang 28 atanga infiammi kalkhawmten infiamna chi hrang hrang-ah inelna an nei dawn ani.

Attachment

  • Loading attachment...