Administrative Training Institute (A.T.I.) Aizawl huaihawtin vawiin nileng khan Judicial Building, D.C. Office Complex-ah mihring dikna/chanvo zirhona Seminar on Human Rights neih a ni a, heta tel tur hian N.G.O., Village Council leh sawrkar department thenkhat te sawm an ni. Seminar hi Saiha D.C. Pu Rodney Lalrinawma’n a hmanpui a, human rights chu mihring pianni atanga thihni thlenga pawimawh leh mitin mamawh a ni, a ti a, mimal tin chanvo kan inzahthiam sak a pawimawh thu te a tarlang bawk. Seminar ah hian Human Rights awmzia leh nihphung te, Mizo khawtlang nuna Dan pawimawhna te, Hmeichhe chanvo leh pawngsual chungchang te leh Human Rights vawnhim kawnga tlawmngai pawl te mawhphurhna te zirho a ni a, Pu H.Lalramliana, Asst. Director, A.T.I. Aizawl, Dr. C.Lalhmanmawia, Sr. Lecturer, Gov’t. Kolasib College leh Pi S.Lalmuanpuii, Judicial Officer, MADC, Saiha ten an zirtir a, hriatfiah loh laite inzawt fiahin sawihona hun te an hmang a ni. Seminar hian naktuk a awh ang.