Mizoram Chief Secretary Pu Van Hela Pachuau, IAS chuan sorkar office zawng zawngah hun vawn dik (Punctuality) ngaih pawimawh a nih dawn avangin nui chunga inchawlh tir (suspend) hial pawh a thleng thei ang, a ti a. Chuvangin hei hi pumpelh turin Group ‘A’ Officers te chu a chah a ni.

 

 

Kar kal ta zirtawpni-a Mizoram Chief Minister-in Group ‘A’ Officers ho Vanapa Hall-a a koh khawmah khan thusawiin Pu Van Hela chuan sorkar hnathawh hi khawvela thil nuam leh chhenfakawm berte zing ami a ni a, hamthatna leh nihlawhna tam tak pawh a awm a, chuvangin office hun zing dar 9:00 atanga tlai dar 5:00 hi sorkar hnathawkte tan chuan a bata kan bat a ni, a ti. Mizoram sorkar hnathawkte phei chu an vannei chung chuang bik a, state dang leh sorkar laipui pawhin a phal zen zen ngai loh damdawia inenkawlna thilah pawh thlawhtheihna chuan hial phalsak an ni thin a ti bawk. Chief Secretary chuan hnathawh dan kalphung pangngai (routine works) hi thil tam takah chuan bansan a tul thu a sawilang a. Awlsam taka chinfel theih thilah phei chuan a danphung ang diak diaka kal lova, lehkha pawimawhte pawh chinfel thuai thuai a tul a ni, a ti a. Office-a computer-te pawh tun aia hman tangkai zawk tur leh Ministry website hrang hrang pawh uluk zawka zira chhiar thin turin Group ‘A’ officers te chu a hrilh a ni.