PHE Minister Pu S.Hiato’an vawiin khan Aizawl khawpui chhung chawmtu Tlawnglui Tui lakna Aizawl Greater Water Supply Scheme Phase I bakah Phase II hna chhunzawm loh a hnutchhiah a hmunah a tlawh.
Minister Pu S.Hiato hian Lawipu thlang lawka Pump House No 2 a tanga tlawh tanin Tlawnglui a Aizawl khawpui chawmtu Phase I khawl hnathawh dan leh harsatna hrang hrangte chipchiar takin a en chhuak vek a. Chubakah Aizawl Greater Water Supply Scheme Phase II nikum lama Central Donner Minister Mani Shankar Iayer in a hawn tawh tun thlenga hnathawk thei lova hlamchhiah pawh uluk takin a en a. He Aizawl Greater Water Supply Scheme Phase II siam hna hi Johnson Eastern Power Company in an thawk a. A hna pumpui atang a thlir pawhin zawh thawkhat a ni a. Booster pump Sihphir leh Durtlang a dah turte, Tlawng lui bula Intack Weir leh Vertical pump la siam rih lohte bakah a khawl tih nunna tur a tana Cable la phum loh te chu hnathawh zawhloh langsar deuhte a ni.
He hna hi Contractor leh Department inkar a engemaw harsatna avangin nikum September thla atang tawh khan Contractor hian a hna a chawlh san a. Minister hnenah hian Department lam hotute hian tlem han chhunzawm a mipui harsatna nawlpui phei chu sutkian theih mai a nih thu an lo hrilh a. Pu S.Hiato chuan tui hi mi zawng zawng rethei leh hausa pawhin in ang tlanga kan mamawh theuh a ni a. Nikhat lek tui harsatna hian Aizawl khawpui chhung tan phei chuan nunphung a ti khaihlak thei a; chuvang chuan he harsatna hi a rang thei ang ber a chinfel kan duh a; amaherawh chu contractor te nen sawifel ngai leh chinfel dan tur hi ngaihtuah a ni ang a ti.
Minister hi Dy.Chief Whip Pu P.L.Pianmawia, Parliamentary Secretary Pu.H.Zothangliana MLA, Pu R.Lalrinawma MLA leh Lt. Col (Rtd) Z.S.Zuala MLA te bak ah Mizoram Consumer Union President Pu P.Lalupa te, PHE Department E-in-C Powan Kumar, Chief Engineer Vanlalliana, Executive Engineer Pu Lalhmachhuana te leh Chanchinbu mi engemaw zatin an tawiawm a ni.
He hna hi Contractor leh Department inkar a engemaw harsatna avangin nikum September thla atang tawh khan Contractor hian a hna a chawlh san a. Minister hnenah hian Department lam hotute hian tlem han chhunzawm a mipui harsatna nawlpui phei chu sutkian theih mai a nih thu an lo hrilh a. Pu S.Hiato chuan tui hi mi zawng zawng rethei leh hausa pawhin in ang tlanga kan mamawh theuh a ni a. Nikhat lek tui harsatna hian Aizawl khawpui chhung tan phei chuan nunphung a ti khaihlak thei a; chuvang chuan he harsatna hi a rang thei ang ber a chinfel kan duh a; amaherawh chu contractor te nen sawifel ngai leh chinfel dan tur hi ngaihtuah a ni ang a ti.
Minister hi Dy.Chief Whip Pu P.L.Pianmawia, Parliamentary Secretary Pu.H.Zothangliana MLA, Pu R.Lalrinawma MLA leh Lt. Col (Rtd) Z.S.Zuala MLA te bak ah Mizoram Consumer Union President Pu P.Lalupa te, PHE Department E-in-C Powan Kumar, Chief Engineer Vanlalliana, Executive Engineer Pu Lalhmachhuana te leh Chanchinbu mi engemaw zatin an tawiawm a ni.
