Vawiin dar 11:00 khan Pu Zodintluanga, Minister UD & PA etc. chuan Urban Development & Poverty Alleviation Deptt. Officer-te leh NBCC hotute a office-ah a kokhawm a. NBCC hnathawh hrang hrang sawihovin Aizawl khawpui kawngpui siamthat mek chu chak zawka kalpui anih theih dan tur chipchiar takin a sawipui. Furpui a lo thlen hmaa kawngsiam hna hi thawk zo hman ngei turin Minister chuan NBCC hotute a hrilh bawk. Kawng a tlo theih nan leh tih mam nan Seal Coat-a phah chhuak vek turin a hrilh bawk.
He meeting-ah hian Minister Zodintluanga chuan Mizoram khawpui hrang hranga hmasawnna hnathawh mek leh zau zawka thawh zel dan turte a sawipui a, NBCC hotute leh UD & PA Deptt. a thawktute pawh an hnathawhna hrang hrangah thahnemngai leh theih tawp chhuah theuh turin a chah bawk a ni.
