Vawiin tlai dar 2PM khan DC’s Conference Hall-ah District Bawrhsap Pu Alok Swarup, IAS kaihhruaina hnuaiah Saiha District chhunga Head of Office hrang hrang aiawh te, Tlawmngai Pawl hrang hrang aiawhte , Prominent Citizen-te, School hrang hrang aiawhte leh chanchin thehdarhtute chuan Kumin 2014 a REPUBLIC DAY hman dan tur relin an thu khawm.

Meeting chuan Republic day hi District Playground, Saiha vengpuiah zing dar 7:30 Am atanga hman tan turin a rel a,khuallian-ah Pu Alok Swarup,IAS district Bawrhsap chu a ruat bawk. Tlai dar 1PM –ah VIP’s At Home chu DC bungalow-ah hman ni se tih a ni bawk. Meeting chuan National Anthem sa turin Government Higher Secondary School, saiha a ruat a, National song sa turin Maraland Hindi school a ruat bawk.Republic day hian Department 5:- MADC Forest, DRDA,DHO,PWD Leh DAO ten Tableau entir se, he mi ni lawmna atan hian Hospital 2 , District jail leh Orphanage Home 2 te tlawha Gift(pawisa fai) pek ni se tih ta an rel bak-ah, Republic day lawmna chikhat atan FootBall, Volley Ball(Men& Women) leh Rifle Shooting-ah te intihsiakna awm se, mahse republic day hi Sunday a ni avangin, heng intihsiakna te hi ni 26 hmaa zawk vek ni se, tih te rel a ni.

Republic day lawmnaah hian Parade contingents te chu Uniform leh School contingents ten an then a, pakhatna atangin pathumna thleng lawmman a hran v e ve in siamsak ni se tih te rel a ni bak-ah, meeting-ah hian Parade Judge turte, tableaus Judge turte, Republic day Fund contribution te leh Republic day lawmna tur thil pawimawh hrang hrang chipchiar taka rel a ni.

Republic day lawmna tura inpuahchah dan ennawn turin review meeting hi ni 24/1/2014 hian Dc’s Conference Hall-ah meeting neih leh ni se, tih te rel a ni.

Attachment

  • Loading attachment...