Mizoram Assembly inthlan chu Saiha District chhung bial pahnih Saiha leh Palak bial ah pawh tukin zing dar 7:00am atang khan Vote thlak tanin muanawm leh felfai taka neih a ni a, Vote pawh a tla tha thawkhat hle. Saiha bial ah chuan vote tla hi 75% chuang a ni a, report kimchang erawh an la pe theilo. Polling Party te hian Control room an rawn pan mek a ni. Palak bial chhung, Zawngling, Ainak, Phura leh Tuipang Bazar ah te EVM that loh avangin thlak a ni a, Saiha bial ah Tuisumpui EVM thlak a ni bawk. .

Tukin zing dar 7:00am atanga Vote thlak theih hun hawnah Saiha bialtu nilai Pu S.Hiato Minister te nupa chuan Vote a neihna New Saiha West Polling Booth ah Vote an thlak hmasa ber a, Dr.K.Beichhua MNF Candidate pawh vote a neihna Saiha Vengpui-II ah a hmasa pawl ah thlakin ZNP Candidate Pu F.Lalhmachhuana pawhin Saiha Vengpui-III ah a hmasa ber pawl ah a thlak bawk. Saiha khawpui chhungah hian vote hi a tlangpuiin a tla tha hle.

Kumdang zawng aiin Saiha District chhunga inthlan boruak leh vote thlak chungchang ah boruak a tha in a muanawm hle a, ElectionCommssion in dan thar tam tak a duan chu mipui tan a hahdamin boruak pawh a muanawm phah hle.