Vawiin chawhnu dar 12 khan Saiha District, Deputy Commissioner, Pu Kunal, IAS Office Chamber-ah Saiha District Disaster Management Authority ten Monsoon Season lo thleng tur chungchangah meeting an neih. He meeting Pu Kunal, IAS kaihruai-ah hian Member Department ten ‘Monsoon Season’ thleng tura an Department theuh te in buatsaih dan leh hmalak dan Report pein, sawihona neih nghal  a ni.

Engineering Department pathum:-PHED,P&E leh PWD ten Report pein, tun dinhmunah harsatna engmah an neih lova, Monsoon season  lo thleng tur atan an  inbuatsaihna pawh a tha tawk a ni. DCSO pawhin Report pe in, Saiha District chhunga thingtlang khua kilkhawr ber ber-ah pawh buhfai dinhmun a tha a, Monsoon Season lo thleng tura tan pawh an inbuatsaih that tawk thu a sawi. Medical Department lam report-ah erawh chuan tunah hian PHC pathum; Chhuarlung, Tuipang leh Chakhang ah te Doctor an awm lova, damdawi pawh kumin March ni 17-a  supply kha an la ring a, supply pawh a lo thlen thuai an beisei a..Malaria damdawi leh a  hrik test-na  erawh an neih that tawk thu report a ni  bawk.

Bawrhsap Pu Kunal chuan Member Department te chuan eng harsatna pawh  tawk se hrilh hriat vat turin a chah hlawm a, Member kalkhawmte chu theitawp chhuah a an mawphurna te kengkawh a tan an lak chuan nikum Monsoon Season in harsatna min thlen ang  kha chu harsa lova kan tawn tlang thei ka ring  a ni, a ti.