Nimin chawhnu dar 1 : 00 khan Pu Kunal IAS, Saiha District Bawrhsap chuan District chhunga cheng nuai 16.37 senga Lei dawh “Kawlawh Lei” chu a hawng.

He Lei hawnna inkhawm hi Pu N.Chakhai, Project Director, D.R.D.A. chuan a kaihruaia he Lei hi he lai chhehvel khua 15 tangrual ten NREGS sum an thawhkhawm atanga dawh anih thu a sawi a, District Bawrhsap Pu Kunal IAS chuan thu sawiin  Lei ropui tak nilo mahse department te nen a lungrual taka tang hova dawh ani chu ropui a tih thu a sawi a, Kalkawng hi engkimah a pawimawh a, ei leh bar hriselna chenin a pawimawh thu a sawi bawk. He lai chhehvel kawngpui chhawr tute tan kalkawng tha taka atlang reng theih nan theih tawp a chhuah tur thu a sawi ani.Central Scheme hrang hrang kan district chhunga lolut te hi a tangkai thei ang ber leh a daihzai thei ang bera hman tum anih thu a sawi bawk. Pu Lalremruata J.E.,DRDA chuan Technical Report pe in khaw 17 zet in an chhawr tangkai tur anih avangin khaw 15 VC te nen tangrualin Rs 16,37,000/- senga Lei hi dawh anih thu a sawi ani. He Lei hawnna ah hian Saiha atangin Officer thahnem tak leh Chanchinbu mite pawh an tel ani.                  
He Lei dawhna atana khaw hrang hrangte pawisa thawhkhawm dan chu hetiang hi a ni.                                 1) New Serkawr - Rs.52,000 ; 2)  New Latawh - Rs. 1,80,000; 3) Lohry- Rs. 64,000 ; 4) Maisa - Rs. 68,000 ;5) Phura - Rs.2,80,000 ; 6) Kaisih -  Rs.1,30,000; 7) Miepu -  Rs.73,000 ;8) Supha - Rs.39,000 ; 9) Lope - Rs.19,000 ; 10)Lungpuk - Rs. 2,00,000 ;
11) Leisaih - Rs.76,000; 12) Khaikhy -  Rs.73,000 ; 13) Tongkalong - Rs. 86,000; 14) Bymari-Rs. 1,45,000; 15)Lungdar-Rs. 1,52,000.