Vawiin  khan  DCs Conference Hall, Mamit-ah Pu Rodney L. Ralte IAS, District Election Officer, Mamit kaihhruaina-in Special Summary Revision of Electorall Roll chungchangah meeting neih a ni.

He meeting-ah hian Special Summary Revision of Electoral Roll neih hun tur atana Election Commission of India duh dan anga hnathawh a nih theih dan tur te, chipchiar takin tarlan a ni a. Draft Roll tarchhuah a nih hun tur te, sawiselna hun chhung te leh Final Roll tarchhuah hun turte bakah Election chungchang hriattur pawimawhte sawi a ni bawk.

Heng bakah hian Election lama mawhphurhtu officials ten Election Commission of India duh dan anga Political Party hrang hrang ten Booth Level Agent, Polling Station tinah an ruat a tul thu te Party aiawh kalkhawm te an chah a ni. Mamit District-ah hian Polling Station 86 a awm a ni.

He meeting-ah hian Political Party hrang hrang Block President leh Secretary te bakah thuthar thehdarhtute an tel tha hle a ni.