Vawiin chawhma dar 10: 30 khan District Industries Centre, Training Hall, Saiha-ah All Mizoram Farmers Union (AMFU) District Headquarters te bultum in Saiha District Farmers' Meet chu hlawhtling taka neih a ni. He Farmers' Meet ah hian Pu C. Lalzarliana, Director, Agriculture (Crop Husbundry) chu khuallian a ni.

He Farmers Meet hi Dr. Chawngkhuma Chawngthu, President, AMFU Saiha District chuan a kaihruai a, Rev L.Chunglinga, College Veng, Saiha chuan hunserh a hman hnuah Pu K.Malsawma, Secretary, AMFU Saiha District chuan Introduction leh report tawi pekna a nei bawk. Thu sawiln khuallian chuan Saiha District AMFU ten Farmers' Meet an buatsaih thei chu lawmawm a tih thu a sawi a, eng pawl pawh hi a hlawhtlinna tur chuan an hruaitute an pawimawh a ni, tiin Agriculture chuan Buh thartute hi kan buaipui ber turte an ni, a ti a, hnathawk turin thangtharte kan inzirtir tam a pawimawh a, Mizoram-in a mamawh ber hi kan hai a, mahni thawhchhuah a intodelh lo tan kut hnathawh bansana thildang buaipui hi a tha lo a ni a ti a, ram leh hnam ang pawh in kan ngaihsan zawngte kan thlak danglam a ngai a ni tiin mi taimate ngaisang turin kalkhawmte chu a chah a ni. Hlawhtlinna tak tak nei tur chuan taimakna, rinawmna leh dikna a pawimawh thu a sawi bawk. Mizo ten mihausa kan tih thin dik tak chu Buh ngah an ni a, hnam huaisen rilru nei tur chuan mahni kan intodelh a ngai a ni tiin department hmalakna hrang hrang leh a hmachhawp mek te a saw! bawk. NLUP cbungchang ah a hlawhtlin leh hlawhtlin loh chu a dawngtute ah a in nghat a ni ati a, Saiha District chhung-ah Oil Palm chin anih tur thu sawiin kan ram hi vei ila phurh chhuah hram i tum ang u a ti bawk.

He hunah hian Saiha District AMFU hruaitu boral tawhte sunna hun hman anih bak ah District chhunga Kum 2010- a Lellet nei, Buh thar tamte hnenah lawmman khuallian hian a sem zui nghal a, chungte chu : 1. S. Beipha S/o S.Vadyu, Council Veng, Saiha Buh Tin 1700 tharin lawmman Rs 1000/- leh Certificate pek a ni a. 2. R. Lalpuanga S/o R. Sangkunga, Phura Buh Tin 1650 tharin lawmman Rs 700/- leh Certificate pek a ni a. 3. S.Pa-aw S/o S.Zahly, Buh tin 1500 tharin lawmman Rs. 500/- leh certificate te pek a ni. Farmers Meet ah hian Saiha khawpui chhung leh thingtlang hmun hrang hrang atangin AMFU memberte an kal tha hle a ni.