Vawiin chawhma dar 10:00 khan Government Higher Secondary School, Saiha te chuan "Week Closing cum Fresher's Social" chu an mahni School Hall ah an hmang.

Pu V. Samson, Sr. Lecturer chuan programme a kaihruai a, Pu N.Vabeiratlua I&PRO Saiha chuan khuallian niin a hmanpui, thu sawiin Khuallian chuan hetiang huna khuallian a tan an sawm chu lawmawm a tih thu a sawi a, zirlai leh zirtirtu a lo nih tawh thu leh zirna a an district in hma kan sawn tawh zia a sawi a, tunhnai maia an district hi zirna hrang hrang ah Toppers an han nei thei ta te chu lawmawm a tih thu leh hmasawnna ropui tak anih thu a sawi bawk. Competitive Exam chi hrang hrang te hmachhawn ngam tur leh zirna-a theih tawpa tan la sauh sauh turin a chah a, hlawhtlinna atana pawimawh ber chu thawhrimna hi a ni, tiin zirlaiten an tih tur rinawm tak leh taima taka hlenchhuak turin a chah bawk. Retheihna hi hman tangkai theih a ni a, hmanthiam chuan a thluma Pathian duh dan pawh a ni, a ti bawk. Khuallian hian zirlai intihsiakna-a ti thate hnenah lawmman a sem nghal a ni. Zirlaite hian programme chi hrang hrang an hman hnu-ah tlaiah ruai an kil ho nghal a ni.