Anti Tobacco Squad (ATS) Aizawl District te chuan puipunna hmuna meizuk khap bawhzui a nih dan leh pisa chhunga meizu an awm leh awm loh te enin, vawiin khan Mizoram Police Headquarters Khatla hnuaia police pisa hrang hrangte an fang chhuak a. Anti Tobacco Squad Member te chuan DGP Pu Lalrokhuma Pachuau chu a Pisa-ah kawmin zuk leh hmuam chungchang an titi pui a. DGP hian a mimal taka Mizo zinga zuk leh hmuam a hluarzia a lo vei ve thin thu sawiin Police training na hmun ah te zuk leh hmuam leh a that loh zia chungchang zirtirna nei turin a sawm nghal bawk a ni.

Police pisa hrang hrang an tlawh ah te hian Meizuk khap thuziah (Signage) leh Complaint Board tar dan te an enfiah a. A tar lo pisa te chu thuziak te an leitir nghal a, Thuziah te hi a langsar thei ang bera tar turin hnathawk te an ngen zui a bakah Compliant Board siam a tar turin an chah bawk a ni. Police officer te chu an room ah ashtray te dah lo turin a ngen tel bawk a. Uniform ha chunga meizu pakhat manin pawisa an chawitir nghe nghe a ni.