Vawiin khan Home Minister Pu R. Lalzirliana chuan Hunthar Veng ah Chakma House a hawng.

Minister chuan hnam chi hrang hrang inngeih taka kan awm chuan a hlimawm a, a nuam a, keimahni theuh pawh development ah kan thang thin a ni a ti.Mizoram ah hian Autonomous District Conucil pathum, Chakma, Lai, Mara te kan nei a, heng district council huam chhunga hmasawnna atan hian sawrkar laipui sum ruahman BADP, BRGF, Special Development Fund bakah state sawrkar department hrang hrang te pawhin an budget chhung atangin hma tam tak an la mek a, heng ruahmanna te hi dik taka hman an nih chuan thangthar thleng tan pawh a rotling thil siam theihna khawp an nih avangin dik taka sum hman hi a pawimawh ber a ni Minister chuan a ti. Chawngte atanga he hun a lam entir tura lo kal te chungchang sawiin Pu Zira chuan hmun tam zawkah kan hnam lam te inenkual tir thin a that thu sawiin lam entir pawl te chu Rs. 10,000 a hlan.

Khualzahawm Pu Lalkhama, Vice Chairman, State Planning Board chuan vawiin hi Chakma community te tan ni chhinchhiah tlak tak a ni tiin hun tha zawk a lo inher chhuah zel a beisei thu a sawi.

Chakma House ram hi 12th September 1994 khan CADC hian an nei tawh a, House hi 1995 khan sak tan a ni a.Chakma House hi Rs. nuai 132.28 senga sak ani a, chhawng 6 niin room 45 a awm, mikhual 50 tum khatah an thleng thei.