Vawiin chhun dar 12:00 khan Venglai Primary school ah Pu Chawngtinthanga Parliamentary Secretary in Residential Bridge Course leh urban residential bridge course naupangte hnenah an zirlai mamawh a sem.

Thusawiin Pu Chawngtinthanga chuan SSA Mission hnuai ah hian hnathawh tha tak hmuhtur a awm a, ramin hmasawn thei tur chuan Human Resources Devlopment hi a pawimawh hle ani. India sawrkar in Right to Free Education to Children Act a siam ah chuan kum 6-14 te chu Compulsary free education pek a ni. Retheih vang leh khawsak harsat vanga sikul kal theilo te chu zawn chhuah a sikul kaltir tum hi a ni. Khawpui ah pawh harsate dawm kan nan UBRC din a ni a tanpui ngaite chu sawrkarin a tanpui zel a ni ati. Devlopment Scheme duan mek chhawr tangkai nachang kan hriat hi education a ni. Naupangte moral siamsak leh zirna tha pek hi education a ni bawk. Zirna tihlawhtling tur chuan Department leh zirtirtute in ni a ti, Education Department a thawkte hi rawngbawlna thianghlim thawk in ni a zirtirtute chu naupang te kaihruaitu an nih avang in thil mawi lo leh sual ti lo tur in a duh thu a sawi a, School hi hmun thianghlim a ni a Ram leh hnam siamthatna hi zirtirtute ah a in nghat a ni. Zirlai te pawh mahni ke a dingchhuak thei tur in taihmakna tumruhna leh chhelna nen a zir tur in a ngen a ni.

RBC Phairuangkai hnen ah Sintex, Dekchi lian, School shoe, Jersey leh Exercise book a hlan a MHIP, ONYX Special school rualbanlo naupang 20 te hnan ah T-Shirt leh exercise book a hlan bawk a, SSA Model School Lunglawn naupang 150 hnen ah school bag leh Venglai Primary School naupang 47 hnen ah school shoe leh Lunglei khawpui chhung a Govt. Manage Primary School thlanbik 20 te hnan ah school shoe a hlan bawk.

Inkhawm hi Pu.Laldawngliana Project Co-Ordinator SSA in a kaihruai a ni.