Nimin chawhnu dar 2:00 khan Saiha District, Deputy Commissioner, Pu Kunal,IAS  kaihruaina hnuaiah Saiha District Health Committee member ten CMO’s Conference Hall-ah  kum (2011-2012 )1st Quarter District Level Review Meeting  neih  a ni.

He meeting-ah hian CMO office chuan  power point presentation hmangin  National Rural Health Mission (NRHM) leh Rogi Kalyan Samiti (RKS) hnuaia an hnathawh leh hmalakna hrang hrang te an entir a.  Kumin 2011-2012 1st Quarter (April-June)-a Saiha District dinhmun  langsar zual te chu:-

Naupang kum khat hnuailam awm zat - 1362; Infant Mortality Rate (IMR) - 71.42%; Home Delivery (mahni in a nau nei) - 175; Institutional Delivery (Hospital/Health-centre-a nau nei) - 231; School Naupang mit ensak zat -  329; School Naupang mit tha lo hmuchhuah zat - 51; School Naupang tarmit pek zat - 48; HIV pai leh pai lo thisen test zat- 188; HIV positive hmuchhuah zat - 1; Blood Bank a thisen dawn zat - 369 units; Blood Bank atanga thisen pekchhuah zat - 323 units; Malaria hrik pai leh pai lo thisen test zat - 3280; Malaria hrik pai hmuchhuah zat - 184; Malaria avanga thi zat -  2; TB hrik pai leh pai lo khak test zat - 144; Khak leh X-Ray atanga TB hrik pai hmuchhuah zat - 63

Heng bakah hian  Saiha District Civil Hospital-a Dental Chair awmlo te, Nursing Superintendent leh Sister tranfered chhuah takte thlaktu  la awmlo thu te pawh meeting-ah hian sawilan  a ni.

Pu Kunal, IAS, Chairman, District Health Committee chuan Hriselna leh Zirna hi a thil ngai pawimawh hmasak ber an ni thin a. Saiha District-a IMR sang lutuk  a vei thu sawiin,  Hmeichhe tlawmngai pawl hrang hrang te hi tlawmngai pawl dang te  zawng  ai pawha IMR tih hniam na kawnga awmze neia sawrkar puibawm thei  ber tur an ni a. Medical Department leh ICDS te nen a nasa lehzuala tan kan lak ho chuan kan IMR sang lutuk hi kan ti hniam thei ngei ka ring  a ni, a ti bawk.