Vawiiin chawhma dar 11 : 00 khan Pu Kunal IAS, Saiha District Deputy Commissioner Office Chamber-ah District Planning Committee member ten meeting an nei.

He Meeting Pu Kunal IAS, District Bawrhsap kaihhruai-ah hian Rural Development Schemes hrang hrang heng-MGNREGA, BRGF, BADP, SGSY, IAY leh MIS te hnuaia hnathawh leh hmalakna hrang hrang te thlirhona leh huam zautaka sawihona neih ani.

He Meeting-ah hian nikum 2010-2011 chhung khan BRGF hnuaiah cheng vaibelchhe 7.63 hmuh ani a, Suplementary Fund cheng vaibelchhe 3.84 erawh tun thlenga hmuh ala nih loh thu sawilan niin BRGF Guideline-ah chuan Fund sanction anih atanga ni 15 chhunga pawisa hi release tur anih laiin tun thleng hian Supplementary Fund cheng vaibelchhe 3.48 hi dawn ala nih loh thu sawilan ani.

District Bawrhsap Pu Kunal IAS chuan MGNREGA hnuaia hmalakna hi ennawn atul thu sawiin kalkawng laih hna hi tih tlema, MGNREGA Guideline in a tarlan dan anga hmalakna tur thil dang a sawite bawhzui a tul tawh ani, tiin MGNREGA hnuaia kawng kan laih hian hmun tamtak-ah phei chuan leimin te siamin harsatna tam tak a thlen te pawh hmuh tur a awm ani, a ti bawk. He meeting ah hian District Planning Committee Member-te an tel tha hle a ni.