Vawiin khan Environment & Forest Department Conference Room-ah ICT Secretary Pu S.S. Garbyal IFS hovin Department hrang hrang aiawh ten Website chungchanga meeting an nei. Meeting kaihruaitu Pu S.S. Garbyal chuan Sorkar Department ten an website update a tul thu sawiin update that loh avangin Sorkar in harsatna leh mualphona a tawk theih thu a sawi.

Department hrang hrang aiawhte chuan website update kawngah harsatna an tawh te sawiin a sutkian nan hemi lamah training neih a tul thu an sawi. Meeting-ah hian Pu Lalthlamuana Principal Informatics Officer chuan Website siam, update leh website a thu leh hla vil dan chungchanga presentation a pe a ni.