Vawiin chawhma dar 9:30Am khan DC’s Conference Room Saiha-ah District Level Vigilance & Monitoring Committee chu Pu CL Ruala, MP (Lok Sabha), Chairman, DVMC leh Pu Lalhmingliana, MP ( Rajya Sabha), Co-Chairman, DVMC ni bawk te kaihruaina hnuaiah meeting an nei.
He meeting-ah hian CSS (Centrally Sponsored Schemes) khawih Department hrang hrang Head of Office te chuan an hmalak tawhna leh hmachhawp hrang hrang te Meeting hma-ah report pe in, harsatna an tawhte pawh Chairman leh Co- Chairman te hnehah hian an thlen nghal a ni.
He meeting-ah hian thusawiin Pu CL Ruala chuan MGNREGS hnuaia hnathawh hi thawhhah vak ngai lova sum hmuhna a kan ngaih tawh avangin, inhlawhna pangaia nikhata Rs 200-300/- vel hlawh ai chuan a tlem zawk Job Card hmanga hnathawh hi kan thlang zawk fo thin. Hei hian kan work culture ti chhia in, hlawhfa a rawihtlak lovah Mizoram mipui hi min siam thuai ang tih a hlauawm a ni, a ti bawk.
Co-Chairman, DVMC Pu Lalhmingliana pawhin thusawiin, Mizoram chu population phu lova Job Card holder tamna State ah Planning Commission of India chuan min hmuh tawh thu sawilangin, a hmai uanthlak loh hle a ni, a ti bawk. Sorkar hnathawk LDC atanga a chunglam chuan Job Card hi neilo ngam ila, chutiang tur chuan thuneitute pawhin a tul chuan ngenna te siam se, Job Card neih tlem hi kan in sawihmuh a hun tawh tak zet a ni, a ti bawk. He Meeting a report dan in Saiha District chhungah Job Card Holder 12956 awmin Kum 2012-2013 chhunga Job Card thawh nan Rs . 1168.30000 hmuh tawh thu tarlan a ni.
Chairman leh Co- Chairman te zawhna chhangin Head of Office kalkhawmte chuan DPR ( Detailed Project Report ) chu Aizawl atanga siam mah nise, PRA (Participatory Rural Appraisal) kal tlanga siam tho a nih avangin, Guide line a DPR siam dan tur a tih ang chu zawmtha thawhkhata an ingaihthu an sawi lang ve bawk.
He meeting-ah hian PHE Minister Pu S. Hiato, Tuipang Bialtu MLA Pu PP. Thawla, MADC CEM Pu RT. Zachono te pawhin hmasawnna hna thawh tawh leh thawhmek te an hmuh dan te sawiin, Head of Office kalkhawmte chu Saiha District ti hmasawntu tur an nih avangin tha thlah lova tan la zual sauh turin an chah a ni.
