Vawiin chawhma dar 11:00 khan Industries Department hnuai a NLUP Carpentary thlangtu te khawl neisa an khawl hman zel tlak te hnen ah Pu Joseph Lalhimpuia, Vice Chairman HPC Lunglei in DIC Conference Hall ah NLUP 2nd Installment mi 18 te hnenah Rs.15,55,200/- a sem.

Pu Lalhimpuia chuan thusawiin eizawnna neilo te NLUP hmanga chhungkua leh tu chhuan thleng a chawm theihna turin eizawnna nghet ngaihtuah sak hi sawrkar tum a ni a ti. Kalphung nei a pek hian an tangkaipui ang a, Zoram hian a din chhuahpui ngei ang a ti. thawhrimna, taimakna, rinawmna leh tih tak tak na thinglung pu a hmang turin dawngtu te chu a chah a. Mitaima leh thawkrim chu an hlawhtlin ngei ang a ti. Chhungkaw chawm theih nana hmang theuh turin a duh. A nihna ang tak a an hman chuan midangte tan malsawmna a nih ngei a rin thu a sawi bawk.

Inkhawm hi Pu H.Thangmawia, General Maneger DIC in kaihruaiin, Pu H.Laltlankima, OS, DIC in hunserh hmangin Pu Zothangliana SDC & Dist. NLUP Nodal officer in thu a sawi bawk. NLUP 2nd Installment mi 16 Carpentary I te hnenah Rs. 85,000/- theuh leh Carpentary II te hnenah Rs. 97,600/- theuh sem a ni.