Vawiin chawhma dar 10 : 00 khan DC’s Conference Hall, Saiha-ah Pu CL Ruala M.P. (Lok Sabha) kaihhruaina hnuaiah Saiha District Vigilance & Monitoring Committee Member ten meeting an nei.

He meeting ah hian Line Department ten District Vigilance & Monitoring Committee neih hnuhnung ber leh tun inkara an hmalakna hrang hrang te leh an hmachhawp te bakah harsatna hrang hrang an tawh te Department hotu ten report an pe a. E.E., Power & Electricity Department chuan Saiha leh Lawngtlai inkar-a 33 KV Transmission Line (Tower Type) siamthat hna Tantia Company in an thawh chu kumin December thla ralhma ngeia zawh hman a beisei thu a sawi a, RGGVY Scheme hnuaia T&T Project Ltd te hnathawh erawh chu hmasawnna hmuh tur a awm loh thu a sawi bawk. Financial Control neih loh chuan hnathawktu Contractor te hi District level atang chuan control an harsa thin ani ati bawk. Project Director, D.R.D.A. Saiha pawhin Centrally Sponsor Scheme hmanga District chhunga an hnathawh hrang hrang te leh an hmachhawp te pawh report kimchang takin he meeting ah hian a pe ani. Pu CL Ruala MP (Lok Sabha) chuan Central lam mit hmuhah kan hnathawh dan leh kan hmalakna te duhthu a sam loh thu sawiin, heihi hna kan thawh that loh aimah in District Level atanga Data Internet-a kan upload that theih thin loh vang ani a, a tul chuan Data upload tur hian Aizawl ah pawh kal mai thin turin District danga Vigilance & Monitoring Committee member te pawh a lo hrilh tawh thu a sawi. DV&MC ten harsatna hrang hrang an tawh te pawh theih tawp a sutkian pui a tum thu a sawi bawk a ni.

Heng department te bakah hian line department hotute pawhin an hnathawh tawh, an hmalak mek leh an hmachhawp te report kimchang takin an pe hlawm bawk. He meeting ah hian Centrally Sponsore Scheme khawih department hrang hrang hotute an tel kim hle a, MADC, CEM Pu S.Khipo pawn he meeting ah hian M.P.hi a tawiawm a ni.

He DM&VC Meeting neih zawh hnu hian Pu CL Ruala MP chuan Khuallian niin District Youth Convention, Nehru Yuva Kendra (NYK) leh Youth Club te inkawpin an buatsaih chu a hmanpui nghal a. He Youth Convention ah hian thu sawiin Pu CL Ruala chuan vawiin a kan thalaite hi nakin lawka kanram hruaitu turte in nih avangin in mawhphurhna keng zo turin in riru leh taksa a hrisel that a ngaia, Games & Sports thil tum chu thalaite rilru leh taksa hriselna kawnga buatsaih hi a ni a ti bawk. He Youth Convention ah hian Lok Sabha M.P. chuan Saiha District chhunga Sporting Club hrang hrang 39 hnenah Foot Ball pahnih,.Volley Ball pakhat leh Volley Ball Net pakhat theuh a sem nghal a ni.