Nithum chhung awh Young Mizo Association, Saiha Group, Conference vawi-29 na chu YMA Hall, New Colony Saiha-ah ni 27-29, March 2012 ah neih a ni.

Vawiin zing dar 10:00 leh chhun dar 12:00 inkar vantlang inkhawm chu Pu Lalchhuanawma, Vice President, Saiha Group YMA in a kaihruaia, khuallian atan District Bawrhsap Pu Kunal IAS hman a ni. Thusawiin khuallian chuan kan hnam zia leh tawngte kan humhalh a pawimawh zia a sawi a member kal khawmte chu hemi kawnga theihtawpa hmala theuh tur in a chah ani.

Zaithiam hrang hrangte bak ah Central YMA Aizawl, zaipawl ten zaiin mipui kal khawm te an awi a, Pu H. Lalchhinga Sr. Adviser, Saiha Group YMA in thusawina a nei bawk. Chawhnu lam ah Kum 2012-2014 chhunga hruaitu thar tur thlanna neih zui nghal ani. He Saiha Group YMA Conference ah hian Group huam chhung YMA Branch hrang hrang atangin palai an kal a ni.