Nimin ni 26.5.2012 (Inrinni) khan Parliamentary Secretary Pu S.Laldingliana chuan a bial chhung Sailen khaw pawh tur kawng laih zawh tak chu  a hawng. 

Pu S.Laldingliana bial hi bial karakik tak tak a niin a bial chhung khaw engemaw zat ah hian lirthei a la lut thei lo va. Lirthei luh theih lohna zingah hian Sailen khua pawh hi tel ve in khaw mipuite an mangang thin hle a ni. In 35 awmna khua sailen hian he an manganna te hi bialtu MLA a nihna angin Pu S.Laldingliana hian theihtawp chhuahpuiin BADP hnuai atangin sum pawh luh a ni ta a, Kawng laih hna hi tan a ni ta a ni. Kawng thui zawng hi km 7 a thui a ni a. kawng laih nan hian Rs. nuai 45 chuang sen ral a ni.

Sailen khaw kawngthar hawnna puala inkhawm hi Sailen Community Hall ah neih a ni a. Khaw mipuite an kim hle a ni. Inkhawmna hun hi Pu VL Rimawia VCP Rualalung in a kaihruai a.

Pu S. Laldingliana chuan Sailen khua in kawng tha an nei ve thei ta chu lawmawm a tih thu sawiin \\\"Sailen khua hi Khaw inlungrual tak an ni a, engkimah lungrual takin tan an la tlang thin a. Sawrkar hmalakna thawhpui duh mi, kawng tha nei tlak in ni a, vawiin a hetiang kawng thar laih tlang a lo ni ta hi ka lawmpui tak meuh che u a ni\\\" tiin sawrkar hmalakna kal lai mekte a tarlang bawk a, hun lo kal leh zel turah pawh sawrkar tha ti chaktu ni zel tura a duh thu a tarlang bawk.

 Pu Dinga hi poster leh Welcome banner nen ropui takin an lo hmuak a ni. Tunlai hian a bialchhung chei hna chak takin a kalpui mek a ni.

Pu Dinga hi Lunglei Civil Hospital atangin Dr.Lalhriatpuia, leh LDCC aiawh te bakah chanchinbumi engemaw zatin an tawiawm a ni.

Kawng thar lawmna ruai khawtlangin an buatsaih chu hlim taka kilho a ni bawk.