Nimin ni 10.10.2017 khan Sailulak khuaah Education Campaign buatsaih a ni a, zirna lama khawtlangin hma a sawn theih nana tha nia hriat hrang hrangte sawi hona leh zirlai naupangte fuihna hun hman niin Pu Lawmawma, Serchhip DEO chu khuallian a ni.
He hun Pu MS Dawnga, VCP kaihhruaiah hian Pu Lawmawma chuan khawtlang nu leh pate chu zirlaite tana khawtlang boruak nuam, zirna ngaihhlutna khuaah siam tum turin a chah a. Sailulak chu hman atang tawha zirtirtu thate zara mithiam tam tak chherchhuak tawh thin khua an nihna vawng nung zel turin a chah a ni. Zirlai kal khawm te pawh zirna aia hlawhtllinna min thlen hma thei thil dang a awm chuan loh thu hrilhin, an zirlaite chu tuichilh tlat tum turin a chah bawk. Zuk leh hmuam lama inthiar fihlim a tul zia sawiin COTPA in a phut anga naupang kum 18 hnuai lam te hnena vaihlo leh a kaihhnawih thil hralh khap a nih thu hriaa, a taka zawm ngei turin khawtlang nu leh pa leh hruaitute a ngen a ni.
He hunah hian Pu Ramdinthara Sailo, Teacher, Government Middle School chuan Sailulaka zirna in hrang hrangte leh zirlaite dinhmun te report na a pe a, khawtlang hruaitute leh zirlai nu leh pa te pawhin khawtlangin zirna lama hma a sawn theih dan tur nia an hriat hrang hrangte sawina hun an hmang bawk.
