Vawiin chawhma khan Kulikawn YMA Hall-ah MUDRA Promotion Campaign neih a ni a. Campaign a tel tura lo zin Union Minister of State for Agriculture and Farmers Welfare Pu Gajendra Singh Shekhawat chu Khuallian niin Finance Minister Pu Lalsawta chu Khualzahawm a ni. Campaign hi Sawrkar laipuia Ministry of Finance hnuaia Department of Financial Services leh Mizoram Sawrkar bakah State Level Bankers Committee tangkawp buatsaih a ni.

Khuallian chuan Sawrkar laipui financial scheme hrang hrang a sawifiah a. Jan Dhan Yojana hnuaiah bank account siam thar an tam thu leh account vaibelchhia 30 vel a awm tawh thu sawiin Direct Benefit Transfer hmangin hamthatna dawngtu tur dik takin an dawn tawh thu a sawi a. Stand Up scheme chu entrepreneur chak lehzuala hmalakpui tumna anih thu sawiin he lama tui mite tana awlsawm taka loan lak theihna anih thu a sawi a. Union Minister of State for Agriculture and Farmers Welfare chuan MUDRA pawimawhna sawiin mahni kutkawih ngeia eizawng ten dinchhuahna atan an hman theih thu a sawi a. Sawrkar laipui chuan entrepreneur-te hmakhua a ngaih pawimawh thu sawiin he scheme pawh hian entrepreneur-te tan hmasawnna a thlen ngei a beisei thu a sawi a. MUDRA Scheme chu Scheduled Caste, Scheduled Tribe leh OBC-te ngaihtuah chunga kalpui niin sum dahkham ngai lova bank loan lak theihna anih bakah guarantor a ngaih loh thu a sawi a. Mizoram chhunga MUDRA scheme hlawhtlinpui tute a tarlang bawk a ni.

Khualzahawm Finance Minister Pu Lalsawta chuan MUDRA chu  Sawrkar laipuiin loan awlsam taka lak  theihna atana ruahmanna a siam a ni, a ti a. Bank-a thawkte hi bank dawrtute tan an nelawm tur a ni tiin mipuite tan an thawk a ni tih an hre reng tur a ni, a ti a. MUDRA scheme chu thiltih awlsamna pawimawh tak a ni, a ti a. Miin fimkhur leh uluk taka pawisa a hman chuan an dingchhuak thei a ni tiin hemi atana pawimawh tak pakhat chu loan lak a huna rulh hi a ni, a ti a. MUDRA scheme hmang tangkai theuh turin kalkhawm mipuite chu a sawm bawk a ni.

Programme-ah hian Finance Secretary Pu Lalmalsawma chuan MUDRA Campaign-in a tum hrang hrang a sawi a. General Manager SBI North East Circle Pu Digmanu Gupta chuan kalkhawmte lawmna thu a sawi a. Mudra chungchanga presentation neih a ni a. BHIM (Bharat Interface For Money) hman dan entir a ni a. MUDRA loan mi 53 hnenah  semna hun neih niin SBI Regional Manager Pu Dibyendu Chaudhuri chuan lawmthu sawina in hun a khar a. Union Minister of State  Pu Gajendra Singh Shekhawat chuan campaign atana stall hrang hrang a tlawh nghal a ni. 

Campaign hi mipuite digital payment hman dan zirtir mai bakah financial inclusion hnuaia insurance leh scheme dangte mipuiten tangkai taka an hman theihna tura inhrilhriatna(awareness) atana ruahman a ni a. India ram chhung hmun 50 ah campaign hi neih a ni dawn a ni. 

Mipuiten awlsam zawka eizawnna an neih theih nan leh sum dahkham ngai lova bank loan an puk theihna tur Sawrkar Laipui chuan April 2015 atang khan dahkham (security) leh guarantor ngailo loan MUDRA scheme a siam a. He scheme hnuaia loan chi thum awmte chu:

1)    Sishu Rs. 50,000/- thleng loan lak theihna

2)    Kishor Rs. 50,000/- thleng loan lak theihna

3)    Tarun Rs. 500,000/- aia tam Rs. 10,00,000/- thleng lak theihnate a ni.

Hemi scheme hnuaiah hian Mizoramah chuan kum 2016-2017 thleng khan mi 6929 ten loan Rs. 9456.70 lakhs an la tawh a, kum 2017-2018 ah hian mi 2774 ten loan Rs. 3386.00 lakhs an la tawh bawk a ni. Mi tam zawkin hemi scheme hnuaia loan an lak theihna turin September Ni 27, 2017 atanga October Ni 17, 2017 chhungin India ram hmun hrang hrang-ah MUDRA promotion campaign hman mek a ni. He campaign-ah hian Aizawla bank awm zawng zawng an tel vek a, a hmuna loan dil nghal duhte tan loan dil theih niin loan application pek chhuah nghal zel a ni.

MUDRA loan bakah Sawrkar laipui atanga Social Security Scheme hnuaia insurance chi hrang hrang – Pradhan Mantri Jeevan Jyoti Bima Yojana (PMJJBY), Pradhan Mantri Suraksha Bima Yojana (PMSBY)leh Atal Pension Yojana (APY) zawm thar duhte tan zawm theihna hu remchang niin bank account hawng thar duh bakah UIDAI hnuaia Aadhaar enrolment ti duhte tan tih nghal theihna a awm bawk a ni.

Mudra Promotion Campaign-a tel stall 31-te chu-

1)    Axis Bank

2)    Bandhan Bank

3)    Bank of Baroda

4)    Bank of India

5)    Bank of Maharashtra

6)    Canara Bank

7)    HDFC Bank

8)    IDBI Bank

9)    India Bank

10)  India Overseas Bank

11)  Indusind Bank

12)  Punjab National Bank

13)  Punjab&Sind Bank

14)  SBI

15)  Syndicate Bank

16)  Mizoram Rural Bank

17)  Mizoram Co-op BANK

18)  MUCO Bank

19) Bharat Sanchar Nigam Ltd.

20)  UIDAI

21)  National Payment Corporation of India

22)  Life Insurance Corporation of India

23)  Small Industrial Development Bank of India

24)  National Bank for Agriculture & Rural Development(NABARD)

25)   United India Insurance Co. Ltd.

26)   Oriental Insurance Company Ltd.

27)   UCO Bank

28)   United Bank of India

29)   Union Bank of India

30)   Vijaya Bank

31)   Yes Bank