Food Corporation of India kudam lian sak nan vawiin khan Directorate of Food, Civil Supplies & Consumer Affairs (FCS&CA) Department chuan Sairang Dinthar-a an ram chu FCI hotute hnenah kum 99 chhung atana an hman theih turin an hlan fel.
FCI kudam lian sak tur hi buhfai 10,000 MT leng tura ruahman a ni a. Sak zawh a nih hunah chuan tuna Tanhril FCI kudam hi hman a ngai tawh dawn lo va. FCI kudam avanga Tanhril leh a chhehvela mipuiin harsatna an tawh hrang hrang a chingfel dawn a ni.
Kudam siamna tur hmunhma leh thil tul tihfel ngaite hi FCI lamin hma an lak nghal sawn avangin he Sairang Dinthar ram a FCS&CA Department ram huamchhunga mimal emaw pawlho emaw kutthlak an lo awm a nih chuan August, 2018 chhung ngeia inthiarfihlim turin Department chuan a hriattir a ni.
