Pu C. Lalthanmawia, Superintendent of Police Traffic chuan Mizoram State Sorkar Notification No. B. 12021/10/04-TRP dt. 22.8.2008 leh Section 115,116 & 117 of MV Act, 1988 dan tlawhchhanin mipui vantlang him zawk nan leh lirthei kal vel fel zawk nan, Rangvamual leimin leh Hunthar veng lei tlahniam ziaawm hma chu, Aizawl lam lo lut tur leh Sairang/Lengpui lam pan turte lirthei kal dan, a hnuai ami ang hian thupek a chhuah.

1. Aizawl atanga, Sairang/Lengpui lam pan tur lirthei te chi (LMV) leh a hnuailam te chu Sakawrtuichhun-Lungverh ah emaw an duh lam lam kawngah  kal phal sak an ni.

2. Lirthei lai hawl (MMV) te chu zing dar 10:00 atanga tlai dar 5:00 inkarah Sakawrtuichhun -Lungverh road-ah kal phal a ni lo ang

3. Motor lian (HMV) reng reng chu Sakawrtuichhun - Lungverh road-ah kal phal a ni lo.

4. Motor lian (HMV) leh a laihawl (MMV) Aizawl lolut tur te chu CH. Saprawnga Truck Terminal ah Aizawl khawpui chhung luh phal hun (Entry Period) nghakin an ding/park ang a, Aizawl lut lo tur te erawhchu Bawngkawn paltlangin englaipawhin an kal tlang phalsak rih an ni ang a, khawpui chhung area-ah an din khawmuan phal a ni lo.

5. Motor lian (HMV) leh laihawl (MMV) reng reng chu CH. Saprawnga Truck Terminal leh Bawngkawn inkarah din/park phalloh a ni (Hei hian Aizawl lut tur leh chhuahsan tur a huam ve ve ang).

He Notification hi dt. 24.6.2015 atanga thu leh awm hma chu hman tur a ni.

He thupek hian chhiatrupna thil kangmei leh emergency kaihhnawih a duty te chetvelna kawng erawh a huam lo ang.