1791/2023-2024

Aizawl, 7th September, 2023 : Vawiin khan Supply Minister Pu K Lalrinliana hovin a pisa-ah FCS&CA leh PWD Department hotuten ten Sairanga GMG Zuangtui kudam thlakna tur sak dan tur chungchang an sawiho.

Sairangah hian kudam lian 1500 MT leng thei tur pakhat leh kudam pahnih dang 1000 MT ve ve leng tur a lian sak tur a ni a, Sairang Dinthar-a FCI kudam tur sak mekna bulah sak tur a ni.

Vawiina sawihonaah hian he supply centre kudam a thil awm tur pawimawh - weighbridge, staff quaters, office, rest room, sanitary complex, shed leh thil dangte sawi niin, ruahhmanna awmsa te chu kudam puitling anga hman turin kimchang tawk em tih sawiho a ni bawk. Heng kudam te hi SASCI sum cheng nuai 830 leh NABARD sum cheng nuai 487 senga a sak tur a ni.