3810/2024-2025

Dated Saitual the 15th January, 2025 : Vawiin chawhma dar 10:30AM khan Saitual-ah 21st General Election to Village Council 2025 lo awm tur atan Returning Officers te, DC Conference Hall, Saitualah Election Officer Pu Lalthakima Chhangte kaihhruainain training neih a ni a, he hunah hian Pi Dorothy Muansangi, SDO(C) Ngopa, Pu J Lalhmahruaia, BDO, Phullen, leh Pi Christina Lalnunfeli, SDC te chu Nodal Officer & Master Trainer a ni a, inthlan kaihhnawih thil chi hrang hrangte, kimchang takin zirtirna an pe a ni.

He hunah hian Election Officer Pu Lalthakima Chhangte chuan kalkhawmte hnenah lawmthu sawiin RO te chu vantlang leh an khua/veng tinte pawhin mi rintlaka an ngaih hlir ruat chhuah an nih thu sawiin inthlanna hlawhtlinna 80% pawh an kutah a awm tak meuh meuh a ni, a ti a, theihtawp chhuah turin a chah a ni. 

Vawiin ni 15th January 2025, Chawhnu dar 2:00 PM ah vek hian 21st General Election to Village Council 2025 atana Sectors Officers ruat mi 10 te chu Pu V. Laldinsanga, PD, DRDO hovin DC Conference Room-ah an thukhawm a, VC inthlan lo awm tur atana inbuatsaihna tur kawng hrang hrangte an sawiho a ni. He hunah hian Pu V. Laldinsanga, PD DRDO (MCC), Pu Lalthakima Chhangte, EO (AMF & Logistics) leh Pi Christina Lalnunfeli, SDC (AMF & Logistics) te chuan training an pe a ni. Saitual district chhungah hian Sector 10 awmin, Saitual Sector, Mualpheng Sector, Tualbung Sector, Dilkhan Sector, Phullen Sector, Suangpuilawn Sector, Khawlian Sector, Ngopa Sector, Mimbung Sector leh Hliappui Sector te a awm a ni.

21st General Election to Village Council 2025 lo awm tur atan hian Saitual District-ah Village Council 46 ah te inthlanna neih tur a ni a, Polling Station 55 awmin Voters mipa 19894 leh hmeichhia 20387 an awm a , an vaiin  40281 an ni. 

State Election Commission chuan 16.01.2025 (Ningani) ah hian Election neih dan tur hi a puan rin a ni a, State Election Commission-in ruahmanna a rawn siam angin Political Party Candidate tin nomination file hun turte ,Scrutiny neih hun turte, candidate-te inhnuhdawhna hun hnuhnung leh candidate tinte thlalak leh symbol-te tarchhuah theih hun pawh hriat theih a ni ang.