3846/2024-2025

Saitual the 16th January, 2025: Vawiin chawhnu Dar 3:00 pm khan Pu Amit Sharma, IAS, Hon’ble Secretary to the Government Of Mizoram, Co-Operation Department hovin District Co-Operative Office chungchang zirchianna thutkhawm DC Conference Room, Saitualah neih a ni a. He hunah hian Dr. Lalngura Tlau, Saitual Bawrhsap chuan lo dawngsawngin Saitual District chhunga Co-Operative Society, M-PACS etc hruaitute nen inkawmhona an nei a ni.

Pu Amit Sharma, IAS, Secretary, Cooperation Department chuan thu sawiin kumin hi "International Year of Cooperation" a nih angin Cooperation Department tan hun tha tak a rawn inher chhuak tih a sawi a, department dangte nen khaikhinin an pawimawh nep bik lo tih a sawi bawk. Pu Amit Sharma chuan MPACS hmangin thlai chingtute chu an thlai hralhna kawng kawhhmuhsak an ni a ti a, Animal husbandry leh fisheries lamah te pawh hmasawnna hmuh tur a awm zel chu lawmawm a tih thu sawiin, Cooperative department chu a hlawhtlin theih nana a banpui ber a ni, a ti.  

Secretary chuan mipuite chu bul tan nana NCDC, NABARD lamah te puihnaa soft loan la tura kan inhrilhhriat a pawimawh a ti a, schemes hrang hrang tha tak tak te puanzar kawngah hma lak a tul a ni, a ti. Secretary chuan district level-ah cooperation department chuan theih tawp a chhuah zel tur thu a sawi a, Saitual district chu an district tlawh hmasa ber a ni tih tarlangin, line department te chu thawhhona tha tak an neih theih nana theih tawp chhuahpui turin a sawm nghal a ni.

Pu John LT Sanga, MCS, Registrar of Cooperative Societies pawhin thu sawiin hun tha tak an nei thei chu lawmawm a tih thu sawiin saituala an rawn kalchhante a sawifiah a, kalkhawmte hnenah Society kan tihchak chuan retheihna umbona kawngah hmanraw tha tak a ni thei a ni, a ti a, sawrkar puihna scheme leh programme ringawt kan nghah chuan hmasawnna a awm thei dawnlova, Co-Operation Ministry kan tihchak chuan India hian retheihna umbona kawngah  society chak zawk a siam thei dawn a ni, a ti.   

Saitual Bawrhsap Dr Lalngura Tlau pawhin thu sawiin Co-Operation Department hotute nen inkawmna hun ṭha tak an nei thei chu lawmawm a tih thu a sawiin kawng engkimah taihmakna, tumruhna,chhelna a awm chuan tih theih loh a awmlo a ni a ti a, hmalam hun beiseina êng tak an hnutchhiah avangin lawmthu a sawi nghal bawk a ni.

Vawiin meeting ah hian Pu John LT Sanga, MCS, Registrar of Cooperative Societies, Pu Vanhlupuia, Deputy Registrar, Cooperation Department, SK Das, DCO/Deputy Registrar, Cooperation Dept, Pu Lalthakima, SDO (Sadar),  Pi Christina Lalnunfeli, SDC, Pu H  Lalhmangaihzuala, Branch Manager, Mizoram Cooperative Apex Bank Keifang, Pu Lalnunpuia, Superintendent, DC Office, Saitual, LAMPS Cooperative Society Ltd, Saitual Consumers Cooperative Societies Ltd, Keifang Consumers Cooperative Societies Ltd leh Sihfa M-PACS Ltd Chairman theuhte an tel a ni.