3845/2024-2025

Siaha the 16th January 2025: Vawiin chawhma dar 11 khan DC Mini Conference Hall, Siaha-ah Mizoram chhunga district khawpui (headquarters) fai leh cheimawi inelna neih tur pualin thutkhawm a ni. Thutkhawm hi Siaha DC Pu VL Hruaizela Khiangte, Siaha District Level Beautification Committee Chairman ni bawkin a kaihruai a, Pu Vanlalchhuanliana, District Project Officer, UD&PA, Siaha District, Member Secretary ni bawkin hmalak tawhnate leh hmachhawp hrang hrang an neihte report a pe.

He inelna thianghlim hi Municipal Corporation/Council la nei lo district pakua (9) Siaha, Champhai, Kolasib, Serchhip, Lawngtlai, Mamit, Hnahthial, Saitual leh Khawzawl-te tana buatsaih niin District tinte chuan 7th February, 2025 aia tlai lovah detailed project report an siam anga, chu an report thehluh chu 14th February, 2025-ah powerpoint hmanga presentation neih tur niin February 19 – 28, 2025 inkarah project thehluhte a hmunah enfiahna (field inspection) neih tur a ni a, 7th March, 2025-ah lawmman semna hun neih a ni ang. He inelnaah hian a titha pathum ten ₹50,00,000 (nuai sawmnga) theuh an dawng anga, district dang tel zawng zawngin ₹2,00,000 (nuai hnih) theuh an dawng bawk ang.

Vawiin thutkhawmah hian sawrkar official bakah Joint VC leh NGOs aiawh ten zau takin inelna hmachhawn dan tur an sawiho a ni.