2160/2023-2024

Dated Saitual the 4th October 2023: Vawiin khan Saitual ah District Development Coordination & Monitoring Committee chu an chairman Pu C. Lalrosanga, MP, Lok Sabha kaihhruaina hnuaiah Saitual DC Conference room -ah thukhawmin Saitual District huamchhunga Central scheme hmanga hnathawh te thlirhona an nei a, Disha hnuaia line department mamawh te leh hmasawn zel dan tur te an sawiho bawk.

Vawiin thutkhawmna a Chairman Pu C.Lalrosanga, MP (LS) chuan DISHA chu constitutional body nilo mahse district level a central sawrkar scheme pawimawh tak tak thlirhona a nih avangin Sawrkar Laipuiin a ngai pawimawh hle a ni, a ti a. Central Scheme te hi Mizoram in hmasawnna atana kan innghahna lian ber a ni a, chuvang chuan central scheme hmanga kan hnathawhte chu tha tak a kan kalpuia, a tu a te pawh in theihtawp kan chhuah a ngai a ni, a ti. Pu C Lalrosanga chuan Mizoram chu Central scheme hrang hrang hmanga hnathawh kawngah India ah pawh a ti tha pawl kan ni, a ti a. Saitual District chu district naupangte ni chungin hmasawnna kawng hrang hrang hmuh a ni chu lawmawm a tih thu sawiin Line department te chu tang leh zual sauh turin a fuih bawk.

Vawiin meeting-ah hian Centrally Sponsored Scheme hrang hrang MGNREGA, PMAY, ICDS,NSAP, Swatch bharat mission, PMGSY, National Health Mission , Midday meal scheme , PMEGP,RKVY leh a dangte thlirho a ni a. Heng atang hian line Department ten an hmalakna leh an thlen chin report an pe a, an mamawh hrang hrang te MP hnenah hian an thlen bawk.

Saitual District chhunga Sawrkar Laipui ruahmanna hnuaia hmalakna leh hnathawh hrang hrang thlirna-ah hian Line Department aiawh te chuan an hmalakna hrang hrang sawifiahin Swachh Bharat Mission hnuaiah DUDO Saitual in Community Toilet 5 sakna tur 2023-24, financial year 1st Quarter chhung in 1st intsallment atan cheng nuaih 15(Rs. 15,00,000.00 )atang nuaih 12 (Rs.12,00,000.00) dawng tawh in a bak zawng hi zawh fel a nih hnuah DUDO Saitual ah hlan a ni ang. 2023-24 Financial Year, Second Quarter ah SBM hnuaiah tho hian mi 598 te individual household latrine siam na tur dawng tur a thlan chhuah an ni a, mi pakhat hian cheng Rs.12,000 zel dawng tur a ruahman a ni.

Education Department hmalakna hrang hrang zing ah learning enhancement Programme kaltlangin naupang pakhat ah school board exam an in buatsaihna atan cheng 500 zel sem a ni a, naupang harsa zawkte tana a thlawna awm theihna hostel Avasiya Vidyalaya Girls Hostel Elementary leh Avasiya Vidyalaya -Girls hostel Secondary, mi 30 leng ve ve te din an ni.

RKVY atangin 2nd quarter June-august 2023 ah Paddy seeds quintal 43 sem a ni a, plant protection chemicals 197.5 sem a ni tawh bawk. RKVY kaltlanga lo neitute training pek pawh kal pui zel a ni.

Health and family welfare , saitual district atanga report a a lan dan in institutional delivery hi 100% a ni.

MGNREGA, Ngopa RD Block hnuaiah 1st quarter April-june 2023 chhunga hna zawng zawng zawh fel a ni tawh a, 2nd quarter, August 2023 a hna awm te kal pui mek zel a ni. Saitual district chhung a block hrang hrang a PMAY hnuaia beneficiaries 139 hnenah 2nd installment September 2023 khan pek chhuah a ni tawh bawk.

Heng scheme te bakah hian MzSRLM, PMKSY,MGNREGA  leh scheme hrang hrang te  report ngaihthlak niin hmalak zel dan tur te sawiho a ni.