3346/2023-2024

Dated Saitual the 15th January 2024: Vawiin khan Chairman Dr Lalngura Tlau,Saitual DC hovin District Disaster Management Authority leh National Disaster Response Force (NDRF) hotute an thukhawm a,chhiatrupna thleng thei laka inenkawl dan tur leh inhmakhua lawk dan turte thlir ho a ni.

Dr Lalngura Tlau chuan rikrum lo thleng a chhiatna tamtak hi lo in hmakhua lawk dan tur plan mumal taka neih a nih loh thin vang a ni a ti a, chuvang chuan ruahmanna fel tak neih a mock drill te pawh neih thin a pawimawh hle thu a sawi. Chairman chuan Mock Drill neih turah chuan Earthquake mai pawh nilo,fire drill thlenga neih a tul thu leh zirna in ah pawh a tul anga neih thin pawimawh thu a sawi.

Vawiin a thutkhawm ah hian A/3 team commander, PTC Lungverh hnen atangin rikrum lo thlen thut pawha inenkawl danturte, 7.5magnitude vela nasa in lirnghing lo awm palh pawh a rang taka inenkawl dantur leh hliam bawihsawm dan turte leh drill kalpui dan turte ngaihthlak a ni a. NDRF chuan rikrum lo thleng ah anmahni lo thlen hma a lo buaipui tu tur khawtlang leh NGO te an pawimawh hle thu an sawi bawk.

Mock Drill hi 18th Dar 12:00 NOON ah SP Office Keifang ah neih tura rel a ni a, hemi buaipui tur hian Govt Saitual College zirlai thlanchhuah bik te tawiawm tura sawm nise tia rel a ni.

Vawiin a Meeting ah hian Saitual a Addl DC,SDC leh line Dept hrang hrang bakah NGO aiawh an tel tha hle.