3345/2023-2024

Aizawl, the 15th January, 2024: Commerce & Industries Minister Pu F. Rodingliana chuan vawiin chawhma dar 9:00 khan Export Promotion Industrial Park (EPIP) Lengte chu a hmunah tlawhin hmalaknate a enfiah a. EPIP Lengte ram chhunga industry hrang hrang dinte tlawh kualin hmunhmate chhipchiar takin a fangkual bawk.

Commerce & Industries (C&I) Minister Pu F. Rodingliana chuan Industrial park area hmun thenkhat dan lova mimalin an luahte leh pass nei hialte pawh an awm ni a lang chu veiawm a tih thu sawiin, tha taka humhalh leh a nihna ang tur taka industry bun nana hman tangkai a nih theihna tura buatsaih chu tihmakmawh a nih thu a sawi a. Minister chuan industry lama tui thalai leh mithiam zawk te'n hma an lak theihna tura kawng lo sial sak chu thil tul leh pawimawh a tih thu sawiin, remchang hmasa berah industrial area chhunga ram nei ni a inchhalte chu a huhova kohkhawm a, huan lo ram pass an neihte enfel a nih tur thu a sawi bawk.

Pu F. Rodingliana chuan Industrial Park tihhmasawn leh humhalh nan a hungna fencing bakah inkalpawhna internal road siamthatte chu hna hmasaah neih a nih tur thu a sawi a. Industry neitu thenkhatte kawmin an harsatnate leh rawtna an thlente a ngaithlak sak a, a theih anga hma a lak pui tur thu a hrilh a ni.

Commerce & Industries Minister hi Pu R. Laltanzuala, Jt. Director, Commerce & Industries Department leh Officer dangte'n an tawiawm a ni.