3344/2023-2024

Dated Aizawl, the 15th January, 2024: Vawiin khan Chief Minister kaihhruaia hnuaiah Mizoram Forest Act leh a kaihhnawih thil pawimawhte sawihona CM office ah neih a ni a. Chief Minister Pu Lalduhoma chuan, dan siam leh dan kaihhnawih thil kalpuina tinrengah mipuite tana awlsam tur zawng zela kal hi sawrkar duhdan a ni, a ti.

Chief Minister chuan, sawrkar policy pawimawh tak pakhat chu sawrkar leh mipuite indawrna te, dan siam leh dan kalpuina kawng hrang hranga mipuite tana kawng samkhai leh hriatthiam nuam buatsaih hi a ni a. Chuvang chuan kan dan hman mek tam takte, vawiina kan sawiho mek Forest Act te pawh awlsam taka mipuite hriatthiam leh zir theih tura siam a tha hle a ni. Dan bu leh a siamthatna (amendment) lehkha engemawzat keng khawm a, bih kual tawn fo ai chuan, dan thar pakhat, a hluia mi rin zui theihte awmna leh siam belh ngaite siam belh fel vek awmna ni nghal, siam mai ila. A hmangtute tan zir a awlsam hle dawn a ni, a ti.

Vawiina meeting hian Protection of Riverine Act, 2023 leh Mizoram Forest Act te hi Environment, Forest & Climate Change department ten kengkawh se, an ti a. The Mizoram Forest Act pawh Amendment document tam tak awm lo zawnga siamthat dan ruahmanna lo nei se, an ti a. Forest Department kaltlanga hmalakna dangte pawh an sawi a ni.

Meetingah hian Pu Vanlalhlana, Minister, PWD, etc., leh Pu Lalthansanga, Minister, Environment, Forest & Climate Change, etc., te leh official pawimawhte an tel a ni.