4042/2023-2024

Dated Saitual the 4th March 2024: Vawiin khan Saitual District Level Media Certification & Monitoring Committee (MCMC) chu District Election Officer Dr.Lalngura Tlau hovin a office chamber-ah training an nei a . Lok Sabha MP Inthlanpui, 2024 atana MCMC in a tihtur leh an hmachhawp te inhrilhhriatna hun an hmang a ni.

MCMC Chairman Dr. Lalngura Tlau chuan Kumin Lok Sabha MP General Election lo awm tur atan print & electronic media-a advertisement rate felfai tak siam a tul tih a sawi a. District Election Officer chuan Election Commission of India (ECI)-in inthlanpuiah candidate-te'n sum an hman theih zat bituk a siam thin tih sawiin, party tin ten media lama an senso chhut nan media atana an hman man chu lo endik pawh a pawimawh hle a ni, a ti. Dr Lalngura Tlau chuan MP Election chu MLA ang lo takin Mizoram tan MP pakhat chauh thlang chhuak tur ni mah ila, Election Commission of India chuan a ngai urhsun hle a ,chuvang chuan tha thlah lova tan an lak a ngaih thu a sawi.

Vawiin a Training hi Pu David A Lalhmingchhuana, District level MCMC Secretary chuan kalpuiin, MCMC awmzia,a hnathawh dan tur te leh MLA Election a MCMC an lo function tawh dan te thlirletna neiin Lok Sabha MP election atana pawimawh te inzirtirna hun hman a ni a, zawhna leh chhanna hun hman a ni bawk.

Training ah hian MCMC member te an tel kim hle a, hun remchang hmasa ber a Print leh electronic media rate chungchang a meeting buatsaih anih tur thu tarlan a ni bawk.