4043/2023-2024

Lunglei; the 5th March, 2024 : Vawiin chawhma dar 11:00 khan Lunglei district bawrhsap Pi Ramdinliani, IAS chuan National Immunization Day puala Zenghri danna beihpui thlak hawnna programme a tlangzarh.

National Immunization Day pual a inkhawm ah hian Dr.K.Lalhmachhuana District Immunization Officer , chuan kaihruaiin, India ram chu Zeng hri awm tawh lohna rama puan ni tawh mah se he natna hrik hi kan thenawm ram leh khawvel hmun hrang hrangah umbo ala nih loh avangin hun engemaw chen chu a venna hi kalpui ala ngaih thu a sawi.

Bawrhsap chuan Lunglei District huam chhung chauh lo-ah pawh chhungkaw tina nu leh pate hnenah kum 5 hnuailam zawng zawngte kim taka hri danna lak tir vek turin a ngen. Lunglei District-ah hian Naupang Kum-5 hnuailam Target 14917an awm a, booth zat hi 235 awm in Booth day ni a Report zawng zawng hi CMO Officer hnenah pek vek tur a ni a, a tuk leh atangin house to house coverage tan leh tur a ni. He IPPI/NID Day hian nithum chhung a awh tlangpui a, felfai takin report te record vek bawk a ni, a ti.

Naupang kum-5 hnuailam hnenah he zenghri danna hi pek nghal bawk a ni.