406/2024-2025

Dated Saitual the 3rd May 2024: Vawiin khan District Skill Committee Saitual chu an Chairman, Dr Lalngura Tlau hovin Saitual DC Conference Room ah an thukhawm a, Saitual District Skill Committee hmalak zel dan tur te leh District skill development plan chungchang te an sawiho a ni.

Vawiin thutkhawmna ahhian Chairman, Dr Lalngura Tlau chuan Saitual District chu skill development ah than chhoh zel an mamawh takzet thu a sawi a. Saitual District bik chu kut themthiam lam hna ah pawh hnamdang tlemna ber pawl a nih thu sawiin, in sak leh mistiri hna hrang hrang ah a thawktu tam ber te tualchhung mi an ni chu a lawmawm a tih thu sawiin an thiamna te pawh develop chhoh zel dan tur ngaihtuah sak a pawimawh takzet a ni, a ti.

Saitual District Skill Development Committee kaltlang a nikum lawk a Singapore a thawk tur Benjamin Vanlalnghaka , physiotherapist pawh thawn chhuah a nih tawh thu sawiin, thalai tam zawk thiamna hrang hrang, sang zawk zir leh thawk thei tura thawn chhuak thei tura hma an lak zel a pawimawh thu a sawi. Dr Lalngura Tlau chuan Depart hrang hrang in training an kalpui chu a lawmawm takzet a amaherawhchu an training zawh ah an placement leh attrition rate te pawh ngaihven tel zel a pawimawh a tih thu a sawi.

Vawiin a Saitual District Skill Development Committee thutkhawmna ahhian thurel pahnih neiin, chungte chu skill development kawnga mawhphurna hrang hrang in sem dan tur te leh plan outline siam dan tur te an ni a. Line department hrang hrang aiawh kalkhawmte hian an hnathawh tawh dan leh an hmathlir te sawizauna hun an hmang bawk a ni.

Saitual District Skill  Committee vawiin a thutkhawmna ahhian Saitual DC, Dr Lalngura Tlau bakah line department aiawhte an tel Kim hle.