4064/2023-2024

Dated Saitual the 7th March 2024: District Election Office, Saitual District chuan General Election to Lok Sabha, 2024 lo awm tur atan inpuahchahna ngawrh takin a kalpui chho mek ah Vawiin khan EVM lakbelh te chu inthlanna hman theih tura endikna leh siamremna First Level Checking (FLC) neih a ni.

Vawiina EVMs/VVPAT endik hi Ballot Unit (BU) - 10, Control Unit(CU) - 50 leh VVPAT - 15 a ni a. FLC hi Dr. Lalngura Tlau, District Election Officer, Pu Lalthakima Chhangte, Election Officer/SDO(S), EVM Engineer pahnih-in an vil a. Political Party aiawh ten vote an thlak chhinin an telpui bawk.

Hetih rual hian Election inpuahchahna kalpui mekah Election Expenditure Monitoring hnuaia Team hrang hrang Asst. Expenditure Observer, Accounting Team, Flying Squad, Static Surveillance Team, Video Surveillance Team, Video Viewing Team, Model Code of Conduct (MCC) Team te tan Training buatsaih a ni.

Asst. Expenditure Observer leh Accounting Team te hi Pu Lallawmawma, Addl. DC/Nodal Officer, Election Expenditure Monitoring chuan training a pe a. Team dang FST, SST, VVT, VST te hi Pi Mary L Rodinpuii, BDO Thingsulthliah/Nodal Officer, Training Management chuan training a pe bawk.

MCC Team te hi Pi PC Zonuntluangi, Project Director, DRDO/Nodal Officer, Model Code of Conduct chuan a office chamber-ah training a pe bawk a ni.