4082/2023-2024

Dated Saitual the 8th March 2024: Vawiin Chawhma khan Dr. Lalngura Tlau, District Election Officer, Saitual hovin DC Conference Room-ah Lok Sabha inthlanpui 2024-a hman tur Rate Chart chungchangah meeting neih a ni a, Election Official te leh Political Party hrang hrang aiawh te an tel tha hle.

Meeting-ah hian General Election to MLA, 2023- a lo hman tawh Rate Chart( Thil man bithliahna) te chu ennawna, chipchiar taka zir ho a nih hnuin item belh ngai te belh a, siamthat hret ngai lai te siam that a ni bawk.

Election kaihhnawih Meeting dang thut chhunzawm nghal niin, kan hma lawka Lok Sabha Inthlanpui 2024 atan mamawh hrang hrang te chatlak lo leh hnianghnar zawka neih a nih theih nan buhfai, tuialh-thei (POL) leh eirawngbawlna Gas chungchangah meeting neih a ni a.

Dr Lalngura Tlau, District Election Officer chuan Election felfai taka kalpui a nih theih nan kan nitin mamawh te chu hnianghnar taka kan neih a pawimawh zia thu sawiin, hemi kawnga Department lam hotute chu theih anga hma la turin a ngen a, DC office atang pawh a theihtawp an chhuah tur thu a sawi bawk.

He meetingah hian District Election Official te bakah, Pu Pukhraj Kamal, Superintendent of Police Saitual, Pu J. Rokima, Addl S.P Saitual, Pu Zairemkima DCSO Saitual, khaw chhunga Gas Agency te leh Filling Station neitute an tel a ni.