4083/2023-2024

Aizawl the 8th March, 2024 : Mizoram Social Defence & Rehabilitation Board, Social Welfare & Tribal Affairs, Government of Mizoram buatsaih ‘2 days Regional Workshop on Substance Abuse Prevention’, ni hnih (2) chhung awh tur chu nimin 7th March, 2024 (10:00 AM) khan MSD&RB Training Hall-ah tan a ni a. He Workshop-ah hian Mizoram chhung YMA Branch hrang hrang aiawh mi 20 leh Mizoram pawn Zampui tlangdung, Tripura aiawh mi 4 te an tel a ni.

He Workshop-ah hian kan rama dan lova ruihhlo tawlhruk (trafficking route) te, ruihhloin mihring taksa/thluak a nghawng dan leh ruihhlo ngaite enkawlna chungchangte chipchiar taka zir a ni a, member kalkhawmte hi mahni awmna veng/khua theuhvah kohhran leh khawtlang/YMA-ah te zirtirna pe thei tura beisei an ni.

He workshop-ah hian mithiam (resource person) Dr. Ruth Lalmuanpuii Psychiatrist, Joint Director, Hospital & Medical Education, Pu Peter Zohmingthanga, Joint Commissioner, Excise & Narcotics Department leh Dr. R.L Sanghluna Medical Superintendent, Synod Hospital Durtlang ten ruihhlo chungchanga hriattur pawimawh te inhrilhhriatna hun an hmang a, sawihona (discussion) hun neih a ni bawk.

Ni 8th March, 2024 hian K-Ward, Synod Hospital, Durtlangah damlo (ruihhlongai) te enkawl dan a hmun ngeiah Dr. R.L Sanghluna Medical Superintendent, Synod Hospital Durtlang chuan zirtirna te a pe dawn a ni.