3504/2023-2024

Dated Saitual the 25th January 2024 : Vawiin chawhma dar 11:00 khan Saitual DC Conference Hall-ah “ 14th National Voters’ Day lawmna programme tluang tak a hman a ni a. Kumin a National Voters Day thupui atan hian India ram pumah ''Nothing like voting, I vote for sure” tih chu hman a ni.

Vawiin Program ahhian Pi Laldinfeli, Election Officer Saitual chu kaihruaitu niin, National Voters’ Day pual a thutiam lakna a inkhawm hi bul tan niin, District Election Officer leh Bawrhsap ni bawk Dr Lalngura Tlau chu khuallian atana hman a ni.

Khuallian, Saitual Bawrhsap chuan Saitual a National Voters Day hman a ni chu a lawmawm a tih thu sawiin, India ram ah voters Vaibelchhia 96 zet awmin India Democracy ropui zia leh democracy ram dang te nen a a danglamna te a sawi lang a . Democracy hmanga inthlan pawimawh zia chu tun hnai lawka mizoram MLA Election ah kan hmuh thu sawiin, eng sawrkar mah hi kumhlun bik a awm lo a, mipui in an duhthlanna hmangin an vote kaltlang in zalen takin roreltu tur an thlang thin a ni, a ti.

Dr Lalngura Tlau chuan tun hnai ah hmeichhe voters leh First time voters te vote a tlak that chhoh hle thu sawiin, a lawmawm hle a ni, a ti a, Election Commission of India pawhin a ngai pawimawh of takzet a ni, a ti. Kan hma lawka Lok Sabha MP inthlan lo awm tur pawh sawi lang in, kalkhawmte hnenah chuan ram pum nghawng thei thil a nih avangin tan la zual sauh turin a chah a, MLA Election laia theihtawp anlo chhuah tawhna te chu chhunzawm zel turin BLO te leh khawtlang leh tlawmngai pawl aiawh lo kalkhawmte chu a sawm a ni.

Pi Laldinfeli, Election Officer pawh Saitual District in a Lok Sabha Election lo awm tur ah a inpuahchah leh tan tawh a ni, a ti a. Tun ah hian Revision period ah an awm mek thu sawiin, AERO ten hearing nei mek a, Final roll chu feb 8 ah publish tur a ni, a ti.

Vawiin a National Voters day pual hian Saitual a High school leh Higher Secondary School te pual a Painting competition buatsaih a lawmman dawngtute hnenah lawmman sem nghal a ni a. Lawmman dawngtute chu:
1. Pakhatna: JH Lalmuanpuia, Saitual RMSA Secondary School

2. Pahnihna: Vanlalmalsawmi, Saitual RMSA Secondary School

3. Pathumna: Lalruattluanga, Saitual RMSA Secondary School

4. Consolation Prize: Malsawmzeli, Saitual High School II te anni.

Vawiin a Saitual a National voters Day lawmna inkhawm hi Pu David A Lalhmingchhuana, Saitual DIPRO leh SVEEP Nodal Officer ni bawk chuan lawmthu sawina a neih hnu in inkhawm hi tih tawp a ni.