3505/2023-2024

Mamit 25th January, 2024 : Vawiin ramchhung hmundangte rualin DC Conference Hall, Mamitah 14th National Voters Day- 2024 hman a ni a. Pu V.L Remliana, District Election Officer/ District Bawrhsap chuan khuallian niin a hmanpui.

Pu V.L Remliana chuan ram roreltu thlang thei tura vote neih hlutzia sawiin kan aiawha roreltu turte chu sakhuana vang emaw sum leh pai vang emaw a thlang mai lo tur leh duhthlanna fim tak nena vote thlak thin turin kalkhawmte a sawm a, vote nei tharte chu mi puitling an ni ta tih inhria a vote thlak theuh turin a sawm bawk a ni.

Vawiin Voters' Day hmanna-ah hian CEC Rajiv Kumar thuchah ngaihthlak niin chairman kaihruaina-in intiamna thu sawiho a ni a.

National Voters Day puala Higher Secondary zirlaite tana Essay leh Painting competition lawmman leh Best BLO lawmman te sem nghal a ni bawk.

Essay writing competition-ah pakhatna H. Lalrindika Class XII, Pahnihna Benjamin Malsawmtluanga Class XII, Pathumna H.Lalhruaizela, Cl XII te an ni a. Painting Competition-ah pakhatna Lalhmingmawii Cl - XI pahnihna Zothanpuii Cl - XII, pathumna Renoka Molshoy, Cl - XI te an ni a. BLO titha zualah hian 1-Hachhek ST(AC) atangin Pu Ralzidinga, Headmaster, Govt Middle School, Chuhvel, 2- Dampa ST(AC) atangin Pu Lalawmpuia, Teacher Modern Middle School, Reiek, 3- Mamit ST(AC) ah hian Pu H.Laldingluaia, Teacher Govt Middle School, Suarhliapte thlan an ni.