3506/2023-2024

Dated Saitual the 25th January 2024 : District Research Officer(DRO) Office buatsaih in Registration of Births and Death Annual Training 2024 chu vawiin Chawhma khan Saitual Chawnpui YMA hall ah neih niin Dr Lalngura Tlau District Registrar,Births & Deaths, Saitual ni bawk chuan Khuallian niin a hmanpui.

RBD's Annual Training ah hian Khuallian Dr Lalngura Tlau chuan Trainer te chu langsar silova hna thawktu pawimawh tak an nih thu sawiin planning atana ram hmasawnna tura mihring chhiartu an nih avangin an pawimawh hle thu a sawi bawk.

Saitual district chu ramri hnaiha awm kan nih avangin fimkhur lehzual a tul a ni, a ti.

Khuallian chuan DRO staff te chu mihring thi leh piang ngun taka chhinchhiah zela, naupiang chhinchhiah kawngah hnufual lo thei ang ber tura taihmak chhuah lehzual turin a chah a. Vawiin a Training tura kalkhawmte chu an thil zir turah theihtawpa ngaihtuahna sèng turin a sawm a, hmasawnna duhawm tak nei turin a duhsakna a hlan bawk.

Training hi Pu Lalnghinglova, DRO, Saitual chuan kaihruaiin staff leh Training tura lokalte inhmelhriattirna neih niin,hna tul tak karah training ngaipawimawha an lo kal theih avangin lawmthu a sawi.

Training ah hian Saitual Distict chhunga khaw 40(Khawtina Registrar unit)leh damdawiin 7 atangin RBD thawktu mi 37 an tel thei a ni.