3299/2023-2024

Dated Saitual the 10th January 2023: Vawiin khan Saitual DC Conference Hall-ah kum 2024 Republic Day Saitual a hman dan tur relin thutkhawm neih a ni a. He hunah hian Saitual District-a Department aiawhte an tel a ni.

Vawiin a thuthkhawmna kaihruaitu Dr Lalngura Tlau, Saitual DC chuan kalkhawmte lawmna thu sawiin, kum 2024 lo awm tur atana department hrang hrang aiawhte nen kum bul tan nan thuthkhawmna annei thei chu a lawmawm a tih thu a sawi a. Saitual a Department hrang hrang te nen thawhhona tha tak an nei thin chu District hmasawnna atana pawimawh tak a ni a ti a, kan hma lawka MP inthlan lo awm turah pawh theihtawp a thawk ho turin a sawm bawk a ni. Dr Lalngura Tlau chuan Republic Day chu India ram tan ni pawimawh tak a nih angin an theih ang tawk a inpuahchahna na neih chu a tha a tih thu a sawi a. Amaherawhchu a sum hek lo zawng in leh zirlai naupang exam tibuai lo thei tur ang bera tih nise a beisei thu a sawi bawk. Biometric attendance chungchang pawh sawiin la install lo Department ten a hma lama install turin a chah bawk.

Meeting hian Saitual a Republic Day 2024 lawmna pui ber chu Centenary Ground Keifang ah neih ni se tiin an rel a. Republic Day lawmna programme hi zing dar 7 ah tan a ni ang a, khuallian atan Saitual DC Dr Lalngura chu beisei a ni a, Parade Contingent (Armed, Unarmed leh School) te hnen atangin Hnam Puanzar chibai buk a chhang let ang.

Republic Day a Parade Contingent tur te hian January ni 23-24 chhungin  practice neih tur a ni a, January ni 25 ah Final Rehearsal neih a ni ang. Republic Day ni ah hian Saitual District chhung a kawng hrang hrang a hming tha zual te hnenah lawmman pek ni se tia rel a ni.