2584/2025-2026

Saitual, the 9th December, 2025: Vawiin chawhma khan DC Conference room, Saitualah District Bawrhsap Dr. Lalngura Tlau kaihhruainain District Rehabilitation Centre sakna hmun tur chungchang ngaihtuahin thutkhawmna neih a ni.

He hunah hian Dr. Lalngura Tlau chuan khawtlang tan kum tam tak daih tur ngaihtuahna seng turin kalkhawmte a sawm a, a hmun hma thlan atanga a sak leh tihpuitlin thlengin theih tawp chhuah tlang theuh turin a sawm zui bawk a ni.

Kalkhawmte chuan centre sakna hmun tur chungchang sawi zuiin Saihmar Tlang Vanapa khawthlir piah ram awl leh Sasaw Tlang, Ruallung ramte chu an thlang a, heng bakah hian rawtna nei belh duh tan December ni 12, 2025 ral hmain DC Office ah rawtna thlen mai ni se tih an rel bawk.

He building/Centre sakna tur hi MoTA hnuaiah Article 275 atanga hmuh niin, cheng vaibelchhe 6 senga sak tur a ni.

Vawiin thutkhawmah hian Saitual Town chhunga Village Council tin President & Vice President te an tel a ni.